మొట్టమొదటి ఖోఖో ప్రపంచకప్ భారత్ లో ఢిల్లీ వేదికగా ఘనంగా ప్రారంభమైంది. ఉపరాష్ట్రపతి జగదీప్ ధనకడ్ జ్యోతిని వెలిగించి పోటీలను ప్రారంభించారు. ఇందిరాగాంధీ స్టేడియంలో జరిగిన ప్రారంభోత్సవ కార్యక్రమం విశేషంగా అలరించింది. క్రీడల మంత్రి మన్సుఖ్ మాండవీయ, ఐఓఏ అధ్యక్షురాలు పీటీ ఉష, ఇతర అతిథులు, అభిమానులు కార్యక్రమాన్ని తిలకించారు. పురుషుల విభాగంలో 20 జట్లు, మహిళల విభాగంలో 19 జట్లు పోటీపడుతున్నాయి. భారత పురుషుల జట్టు విజయంతో టోర్నీని ఆరంభించింది. తాజాగా జరిగిన తన తొలి మ్యాచ్ (గ్రూప్-ఎ)లో 42-37తో నేపాల్ పై విజయం సాధించింది.
