ఇండియా ఓపెన్ సూపర్ 750 బ్యాడ్మింటన్ టోర్నీలో క్వార్టర్స్ చేరిన భారత షట్లర్లు

ఇండియా ఓపెన్ సూపర్ 750 బ్యాడ్మింటన్ టోర్నీలో భారత స్టార్ షట్లర్ పీవీ సింధు క్వార్టర్ ఫైనల్స్ చేరింది. తాజాగా జరిగిన మహిళల సింగిల్స్ ప్రిక్వార్టర్స్లో సింధు 21-15, 21-13 తేడాతో జపాన్ కు చెందిన మనామి సుయిజు పై గెలిచి సత్తా చాటింది. ఈ మ్యాచ్ లో ఆద్యంతం సింధు ఆధిపత్యం కనబరిచింది. వరుస గేమ్లల్లో ప్రత్యర్థిపై పైచేయి సాధించి కొత్త సంవత్సరం మరో గెలుపును తన ఖాతాలో వేసుకుంది. మరోవైపు పురుషుల సింగిల్స్ క్వార్టర్స్ లో కిరణ్ జార్జ్ 22-20, 21-13తో ఫ్రాన్స్ కు చెందిన అలెక్స్ లేనియర్ పై గెలుపొందాడు. డబుల్స్ విభాగంలో సాత్విక్ సాయిరాజ్-చిరాగ్ శెట్టి జోడీ కూడా క్వార్టర్స్ చేరింది. 20-22, 21-14, 21-16తో జపాన్ కు చెందిన మిత్సుహాషి-ఒకమురాపై విజయం సాధించింది.