పవన్‌ కల్యాణ్‌ హీరోగా తెరకెక్కుతోన్న పీరియాడికల్‌ యాక్షన్‌ చిత్రం ‘హరిహర వీరమల్లు’. నిధి అగర్వాల్‌ హీరోయిన్‌గా నటిస్తున్నారు. క్రిష్‌, జ్యోతికృష్ణ దీనిని తెరకెక్కిస్తున్నారు. ఈ సినిమా రెండు భాగాలుగా ప్రేక్షకుల ముందుకు రానుంది. తొలి భాగాన్ని మార్చి 28న ప్రపంచవ్యాప్తంగా విడుదల చేయనున్నారు.ప్రస్తుతం ఇది చిత్రీకరణ దశలో ఉంది. తాజాగా ఈసినిమా నుంచి తొలి పాట విడుదలైంది.‘మాట వినాలి గురుడా మాట వినాలి’ అంటూ సాగే ఈ పాటను పవన్‌ కల్యాణ్‌ ఆలపించారు.ఈ చిత్రానికి కీరవాణి స్వరాలు అందిస్తున్నారు.
