విజయ్ హాజారే ట్రోఫీ కర్ణాటక కైవసం

విజయ్ హజారే వన్డే టోర్నీ విజేతగా కర్ణాటక విజేతగా నిలిచింది. మయాంక్ అగర్వాల్ సారథ్యంలోని జట్టు తాజాగా జరిగిన ఫైనల్లో 36 పరుగుల తేడాతో విదర్భపై విజయం సాధించింది. మొదట బ్యాటింగ్ చేసిన కర్ణాటక 6 వికెట్లకు 348 పరుగులు చేసింది. రవిచంద్రన్ స్మరణ్ 101(92; 7×4, 3×6) సెంచరీతో ఆకట్టుకున్నాడు. అభినవ్ మనోహర్ (79), శ్రీజిత్ (78) రాణించారు . విదర్భ 48.2 ఓవర్లలో 312 పరుగులకే ఆలౌటైంది. ఓపెనర్ ధ్రువ్ షోరె 110( 111; 8×4, 2×6) పోరాడాడు. అతడికి హర్ష దూబె 63(30; 5×4, 5×6) మంచి ప్రదర్శన కనబరిచాడు. వాసుకి కౌశిక్ (3/47), ప్రసిద్ధ కృష్ణ (3/84), అభిలాష్ శెట్టి (3/58) విదర్భను కట్టడి చేశారు. విజయ్ హాజారే ట్రోఫీ గెలవడం కర్ణాటకకు ఇది అయిదోసారి. ఆ జట్టు చివరగా 2019-20 సీజన్లో ఈ టోర్నీ విజేతగా నిలిచింది.