మొట్టమొదటి ఖోఖో ప్రపంచకప్ ను భారత్ గెలుచుకుని సరికొత్త రికార్డు నెలకొల్పింది. పురుషులు, మహిళల విభాగాల్లో అత్యద్భుతమైన ఆటతీరుతో విజేతగా నిలిచింది. మహిళల ఫైనల్లో భారత్ 78-40తో నేపాల్ పై ఘనవిజయం సాధించింది. ఆరంభం నుంచే మన జట్టు దూకుడుగా ఆడింది. కెప్టెన్ ప్రియాంక , వైష్ణవి రాణించడంతో ఆధిక్యంలోకి వెళ్లింది. ఆద్యంతం అదే బాటలో కొనసాగి టైటిల్ కైవసం చేసుకుంది. పురుషుల ఫైనల్ లో భారత్ 54-36తో నేపాల్ పై నెగ్గింది. ఖోఖో ప్రపంచకప్ లో సత్తా చాటిన భారత జట్లను ప్రధానమంత్రి నరేంద్ర మోడీ అభినందించారు. ఈ విజయం యువతరానికి స్ఫూర్తినిస్తుందని ‘ఎక్స్’ వేదికగా పేర్కొన్నారు.
