ఆస్ట్రేలియన్ ఓపెన్ లో సెర్బియన్ టెన్నిస్ దిగ్గజం జకోవిచ్ సెమీ ఫైనల్ చేరుకున్నాడు. తాజాగా జరిగిన క్వార్టర్స్ లో 4-6, 6-4, 6-3, 6-4తో మూడో సీడ్ స్పెయిన్ కు చెందిన అల్కరాస్ పై విజయం సాధించాడు. హోరాహోరీగా సాగిన పోరులో మొదటి గేమ్ లో తడబడిన జకోవిచ్ తరువాత గేమ్ లలో పుంజుకుని పైచేయి సాధించాడు. జకోవిచ్ ఫైనల్ కు అర్హత సాధించేందుకు రెండో సీడ్ జర్మనీకి చెందిన జ్వెరెవ్ తో ఆడనున్నాడు. మరో క్వార్టర్ ఫైనల్లో జ్వెరెవ్ 12వ సీడ్ అమెరికా కు చెందిన టామీ పాల్ పై 7-6 (7-1), 7-6 (7-0), 2-6, 6-1తో విజయం సాధించాడు. మరోవైపు మహిళల సింగిల్స్ క్వార్టర్స్ లో బెలారస్ టెన్నిస్ స్టార్ సబలెంక 6-2, 2-6, 6-3 తో రష్యాకు చెందిన పవ్లిచెంకోవా పై గెలిచింది. మరో క్వార్టర్స్ లో స్పెయిన్ క్రీడాకారిణి 11వ సీడ్ బదోసా 7-5, 6-4తో అమెరికాకు చెందిన కోకోగాఫ్ పై విజయం సాధించింది. బదోసా-సబలెంక సెమీ ఫైనల్ లో తలపడనున్నారు. ఇక మిక్స్డ్ డబుల్స్ లో బోపన్న జోడీ 6-2, 2-4, 9-11తో ఓటమి చెందింది.
