ఏపీలో పెట్టుబడులకు విస్తృత అవకాశాలు

దావోస్ పర్యటనలో అంతర్జాతీయ పారిశ్రామిక ప్రముఖులు, సంస్థల అధినేతలతో ఏపీ మంత్రి నారా లోకేష్ వరుసగా సమావేశాలు నిర్వహించి ఏపీలో పెట్టుబడులు పెట్టాలని కోరారు. తాజాగా యాక్సెస్ హెల్త్ కేర్ సిఇఓ అనురాగ్ జైన్, నేషనల్ యూనివర్సిటీ ఆఫ్ సింగపూర్ ఎగ్జిక్యూటివ్ డైరెక్టర్ మాథ్యూ ఉక్ చాంగ్, ఎన్విజన్ సిఇఓ లీ జంగ్, కాంటన్ ఆఫ్ వాడ్ స్టేట్ కౌన్సిలర్ క్రిస్టెల్లా లూసియర్ బ్రాడర్డ్ లతో విడివిడిగా సమావేశమయ్యారు.

యాక్సెస్ హెల్త్ కేర్ సిఇఓ అనురాగ్ జైన్ తో లోకేష్ భేటీ:
ఏపీలో ఆపరేషనల్ ఎఫిషియెన్సీ, పేషెంట్ ఫలితాలను మెరుగుపరచడానికి ప్రాసెస్ ఆటోమేషన్ సొల్యూషన్‌లను అమలు చేయడానికి ఏపీ ప్రభుత్వంతో కలసి పనిచేయాలని కోరారు. ఏపీలో హెల్త్‌కేర్, AI, రోబోటిక్స్ స్టార్టప్‌లలో పెట్టుబడి పెట్టాలని విజ్ఞప్తి చేశారు. సామాజిక మౌలిక సదుపాయాల ప్రాజెక్టులు, రియల్ ఎస్టేట్ లో హిల్ వుడ్ తరహా పెట్టుబడులతో పాటు మచిలీపట్నం ఓడరేవులో కంటైనర్ టెర్మినల్‌గా అభివృద్ధి చేయాలని కోరారు. ఏపీ ప్రభుత్వ ప్రతిపాదనలపై చర్చించి నిర్ణయం తీసుకుంటామని అనురాగ్ జైన్ తెలిపారు.
పరిశోధనా కార్యక్రమాలకు సహకరించాలి
నేషనల్ యూనివర్సిటీ ఆఫ్ సింగపూర్ ఎగ్జిక్యూటివ్ డైరెక్టర్ మాథ్యూ ఉక్ చాంగ్ తో భేటీ అయ్యాను. ఏపీలోని విశ్వవిద్యాలయాలతో కలసి పరిశోధనా కార్యక్రమాలకు సహకరించాలని కోరారు. వ్యవసాయం, బయోటెక్నాలజీ, ఇతర స్థిరమైన పద్ధతులకు సంబంధించిన ప్రాజెక్టులపై సహకారం అందించాలని విజ్ఞప్తి చేశారు. AP మెడ్‌టెక్ జోన్‌కు సమీపంలో ఇన్నొవేషన్ హబ్, R&D క్లస్టర్‌ను ఏర్పాటు చేయడానికి నాలెడ్జ్ సపోర్ట్ అందించాలని కోరారు. ప్రపంచవ్యాప్తంగా బయోఇంజనీరింగ్ అనుసంధానించే గ్లోబల్ బయోఫౌండ్రీ అలయెన్స్ వంటి కార్యక్రమాల్లో పాల్గొంటున్నామని వివరించారు. ఏపీ ప్రభుత్వ ప్రతిపాదనలను పరిశీలిస్తామని ఉక్ చాంగ్ తెలిపారు.
ఎన్విజన్ సిఇఓ లీ జంగ్ తో భేటీ
2030నాటికి గ్రీన్ హైడ్రోజన్ రంగంలో 10లక్షల కోట్ల పెట్టుబడులు. సాధించి, ఏడున్నర లక్షల మంది యువతకు ఉద్యోగావకాశాలు కల్పించాలనేదే లక్ష్యం. ఏపీలో రెన్యువబుల్ ఎనర్జీ పరికరాల తయారీ యూనిట్ ఏర్పాటుచేయాలని కోరారు. ఏపీ విజ్ఞప్తిపై చర్చించి నిర్ణయం తీసుకుంటామని లీ జంగ్ చెప్పారు.
క్రిస్టెల్లా లూసియర్ బ్రాడర్డ్ తో సమావేశం
కాంటన్ ఆఫ్ వాడ్ స్టేట్ కౌన్సిలర్ క్రిస్టెల్లా లూసియర్ బ్రాడర్డ్ తో భేటీ అయ్యారు. ఏపీలో కీలక రంగాల్లో స్విస్ కంపెనీలను ఆహ్వానించండానికి ఏపీ ప్రభుత్వం సిద్ధంగా ఉందని తెలిపారు. ట్రేడ్ అండ్ ఎకనమిక్ పార్టనర్ షిప్ అగ్రిమెంట్ (TEPA) ద్వారా స్థానిక తయారీదారులు యూరోపియన్ మార్కెట్ కు కనెక్ట్ చేసేలా సహకారం అందించాలని ఈసందర్భంగా కోరారు. ఇంజనీరింగ్, హెల్త్ సైన్సెస్, రెన్యువబుల్ ఎనర్జీ రంగంలో పరిశోధనలకు సహకరించాలని విజ్ఞప్తి చేశారు. స్విస్ కంపెనీల పెట్టుబడులకు మా వంతు సహకారాన్ని అందిస్తామని క్రిస్టెల్లా లూసియర్ బ్రాడర్డ్ హామీ ఇచ్చారు.