ఐసీసీ ఛాంపియన్స్ ట్రోఫీ ముంగిట భారత జట్టు అభిమానులకు నిరాశ కలిగించే అంశం. భారత స్టార్ పేసర్ జస్ప్రీత్ బుమ్రా లేకుండానే ఈ టోర్నీ బరిలోకి భారత్ దిగుతోంది. ఆస్ట్రేలియా పర్యటనలో ఉన్న సమయంలో గాయపడిన బుమ్రా ఇంకా పూర్తిగా కోలుకోకపోవడంతో ఈ టోర్నీలో ఆడడం లేదు. వెన్ను కింది భాగంలో గాయం కారణంగా బుమ్రా ఛాంపియన్స్ ట్రోఫీకి దూరమైనట్లు బీసీసీఐ ఒక ప్రకటనలో తెలిపింది. బుమ్రా స్థానంలో ఇటీవల అరంగ్రేటం చేసిన హార్షిత్ రాణాను తీసుకున్నట్లు తెలిపింది.
