ప్రదీప్ చిలుకూరి దర్శకత్వంలో నందమూరి కళ్యాణ్ రామ్ హీరోగా తెరకెక్కిన తాజా చిత్రం ‘అర్జున్ సన్నాఫ్ వైజయంతి’. సీనియర్ నటి విజయశాంతి కీలక పాత్రలో నటించారు.అశోక్ వర్ధన్ ముప్పా, సునీల్ బలుసు నిర్మించారు. కాగా, ఈ చిత్రం ఏప్రిల్ 18న ప్రపంచవ్యాప్తంగా థియేటర్లలో విడుదల కానున్నట్లు చిత్ర నిర్మాణ సంస్థ ఎన్టీఆర్ ఆర్ట్స్ అధికారికంగా తెలిపింది. ఇటీవల విడుదలైన టీజర్ లో యాక్షన్ సన్నివేశాలు చిత్రంపై ఆసక్తిని పెంచేలా ఉన్నాయి. విజయశాంతి ఈ చిత్రంలో వైజయంతి ఐపీఎస్ పాత్రని పోషించడం మరో హైలెట్. ఇక సోహైల్ ఖాన్, సయీ మంజ్రేకర్, శ్రీకాంత్, పృథ్వీరాజ్ ఇతర ముఖ్య పాత్రల్లో కనిపించనున్నారు.
