సీనియర్ అగ్ర కధానాయకుడు మెగాస్టార్ చిరంజీవి ప్రధాన పాత్రలో తెరకెక్కుతున్న చిత్రం ‘విశ్వంభర’.దర్శకుడు వశిష్ఠ అత్యద్భుతమైన సోషియో ఫాంటసీ కథతో ఈ చిత్రాన్ని రూపొందిస్తున్నాడు. మునుపటి మెగాస్టార్ ను ఈచిత్రం ద్వారా మళ్లీ ప్రేక్షకుల ముందుకు తీసుకువచ్చేందుకు చిత్ర బృందం శ్రమిస్తోంది.గతంలో వచ్చిన ‘జగదేకవీరుడు-అతిలోక సుందరి’ చిత్రంలో చిరంజీవి పాత్రకు ఇది నెక్ట్స్‌ లెవల్‌గా ఉంటుందని సమాచారం. ఇక ఈచిత్రం నుండి ఫస్ట్ సింగిల్ ను ఈరోజు ‘హానుమాన్ జయంతి ‘ సందర్భంగా విడుదల చేశారు. రామజోగయ్య శాస్త్రి సాహిత్యం, కీరవాణి సంగీతంతో అలరించే విధంగా గీతం ఉంది. ఈచిత్రంలో త్రిష కథానాయికగా నటిస్తుంది.ఈ చిత్రానికి సంగీతం ఎం.ఎం.కీరవాణి అందిస్తున్నారు.యూవీ క్రియేషన్స్‌ నిర్మిస్తోంది.
