ఏపీలో రాజ్యసభ ఉపఎన్నికకు షెడ్యూల్

ఆంధ్రప్రదేశ్ లో ఖాళీ అయిన రాజ్యసభ స్థానానికి జరిగే ఉపఎన్నికకు సంబంధించి ఎన్నికల కమిషన్ షెడ్యూల్ ప్రకటించింది. వైసీపీలో కీలకంగా వ్యవహరించిన ఎంపీ విజయసాయిరెడ్డి రాజీనామాతో ఈ స్థానం ఖాళీ అయిన సంగతి విదితమే. ఇక ఈ స్థానానికి గానూ ఈనెల 29న నామినేషన్ల స్వీకరణ ఉండనుంది. 30న నామినేషన్ల పరిశీలన మే 2వరకు నామినేషన్ల ఉపసంహరణకు గడువు ఉండనుంది. మే 9న ఉపఎన్నిక నిర్వహించనున్నారు. అదే రోజు సాయంత్రం ఓట్ల లెక్కింపు జరగనుంది.