ప్రభాస్ కథానాయకుడిగా, మారుతి దర్శకత్వంలో రూపొందుతున్న ఈ సినిమా విడుదల తేదీని తాజాగా ప్రకటించి రెబల్ స్టార్ అభిమానుల్లో జోష్ నింపారు. ఈ ఏడాది డిసెంబరు 5న ప్రేక్షకుల ముందుకు తీసుకొస్తున్నట్టుగా నిర్మాణ సంస్థ ప్రకటించింది. టీజర్ ని ఈ నెల 16న విడుదల చేయనున్నట్లు తెలిపారు. 16 వతేదీ ఉదయం 10.52 గంట‌ల‌కు టీజర్ రిలీజ్ చేస్తామ‌ని తెలియ‌జేశారు. ఈ సంద‌ర్భంగా ఓ స్పెష‌ల్ పోస్ట‌ర్‌ను కూడా విడుదల చేశారు. ఇక, ఈ సినిమాలో ప్రభాస్ స‌ర‌స‌న మాళవిక మోహనన్, నిధి అగర్వాల్ హీరోయిన్లుగా నటిస్తున్నారు. మరో యువ నటి రిద్ధి కుమార్ ప్ర‌త్యేక పాత్ర‌ల్లో నటిస్తున్నారు. ప్రముఖ నటుడు సంజయ్ దత్ కూడా ఒక ముఖ్య పాత్రలో కనిపించనున్నారు. వారి మధ్య సన్నివేశాలు సినిమాకు ప్రధాన ఆకర్షణగా నిలుస్తాయని చిత్రబృందం చెబుతోంది. పీపుల్ మీడియా ఫ్యాక్టరీ సంస్థ నిర్మిస్తున్న ఈ చిత్రానికి త‌మ‌న్‌ సంగీతాన్ని అందిస్తున్నారు. ఇప్పటికే ప్రభాస్ హను రాఘవపూడి ‘ఫౌజీ’, సందీప్ రెడ్డి వంగా ‘స్పిరిట్’, ‘సలార్-2’, ‘కల్కి-2’ లాంటి భారీ ప్రాజెక్టులు చేస్తున్న సంగతి తెలిసిందే.
The dates of the REBEL FESTIVAL 🔥
⁰Teaser on JUNE 16th at 10:52 AM⁰Worldwide Grand Release – DECEMBER 5th#Prabhas #TheRajaSaab #TheRajaSaabOnDec5th pic.twitter.com/pakHM2hysr— The RajaSaab (@rajasaabmovie) June 3, 2025