జార్జియాలో జరిగిన ఫిడే చెస్ వరల్డ్ కప్ లో మహారాష్ట్రకు చెందిన 19 ఏళ్ల అమ్మాయి దివ్య దేశ్ ముఖ్ చరిత్ర సృష్టించింది. ఫైనల్లో కోనేరు హంపి, దివ్య దేశ్ ముఖ్ మధ్య జరిగిన మొదటి రెండు గేములు డ్రాగా ముగిశాయి. దీంతో విజేతను నిర్ణయించేందుకు టైబ్రేకర్ నిర్వహించారు. టైబ్రేకర్ పోరులో హంపి పరాజయం పాలైంది. దివ్య దేశ్ ముఖ్ విజేతగా నిలిచింది. దీంతో ఫిడే మహిళల చెస్ వరల్డ్ కప్ లో విజేతగా నిలిచిన మొదటి భారతీయురాలిగా చరిత్ర సృష్టించింది. ఇప్పటివరకు ఇంటర్నేషనల్ మాస్టర్ గా ఉన్న దివ్య ఈ విజయంతో గ్రాండ్ మాస్టర్ హోదా పొందింది. 
