ఐపీఎల్-2025 షెడ్యూల్ ఖరారైంది. మార్చి 14 నుండి మే 25 వరకు 2025 ఐపీఎల్ నిర్వహించనున్నట్లు బీసీసీఐ ఫ్రాంచైజీలకు సమాచారం ఇచ్చింది. ఆపై రానున్న రెండేళ్లకు 2026, 2027 సీజన్లలో కూడా ఇదే తరహా షెడ్యూల్ అనుసరించనున్నట్లు ఫ్రాంచైజీలకు వెల్లడించింది. ఈనెల 24న జెడ్డా వేదికగా ప్రారంభంకానున్న ఆటగాళ్ల మెగా వేలం నేపథ్యంలో ఫ్రాంచైజీల ప్రణాళికల కోసం షెడ్యూల్ వివరాలు వెల్లడించినట్లు బీసీసీఐ పేర్కొంది. ప్రాంచైజీలకు బోర్డు అందించిన సమాచారం ప్రకారం మార్చి 15- మే 31 వరకు 2026 సీజన్.. మార్చి 14- మే 30 వరకు 2027 సీజన్ల నిర్వహణ ఉండనుంది. మూడు సీజన్ల ఫైనల్స్ ఆదివారమే జరుగనున్నాయి.
