రాష్ట్ర శాసన వ్యవస్థలను డిజిటలైజేషన్ చేయటమే ప్రధాన ఉద్దేశ్యంగా నేషనల్ ఈ-విధాన్ అప్లికేషన్ అమలుకు కేంద్ర పార్లమెంటరీ వ్యవహారాల మంత్రిత్వ శాఖతో రాష్ట్ర ప్రభుత్వం తాజాగా ఒప్పందం కుదుర్చుకుంది. శాసన మండలి అధ్యక్షులు కొయ్యే మోషేను రాజు, శాసన సభ స్పీకర్ చింతకాయల అయ్యన్నపాత్రుడు, డిప్యూటీ స్పీకర్ రఘురామ కృష్ణంరాజుల సమక్షంలో ఈ ఒప్పందంపై నూతన పార్లమెంట్ భవనంలో సంతకాలు జరిగాయి. ఆంధ్రప్రదేశ్ శాసన వ్యవస్థ సెక్రటరీ జనరల్ ప్రసన్న కుమార్ సూర్యదేవర, పార్లమెంటరీ వ్యవహారాల శాఖ అదనపు కార్యదర్శి సత్య ప్రకాష్ లు ఈ ఒప్పందంపై సభాపతుల సమక్షంలో సంతకాలు చేశారు.
