ప్రపంచ చెస్ ఛాంపియన్ షిప్:ఐదో గేమ్ కూడా డ్రా..!

ప్రపంచ చెస్ ఛాంపియన్ షిప్ లో ఐదో గేమ్ కూడా మరో డ్రాగా ముగిసింది. భారత యువ ఆటగాడు గుకేశ్ డిఫెండింగ్ చాంపియన్ చైనా క్రీడాకారుడు డింగ్ లిరెన్ లీ మధ్య జరిగిన ఐదో గేమ్ ఫలితం తేలకుండా పూర్తయింది. ఈ గేమ్ లో కూడా భారత సంచలనం గుకేశ్ దూకుడుగా ఎత్తులు వేస్తూ లీరెన్ తో తలపడ్డాడు. హోరాహోరీగా సాగిన ఈ గేమ్ లో ఇద్దరు ఆటగాళ్లు 40 ఎత్తుల తరువాత పాయింట్లు పంచుకున్నారు. ఇక ఈ ఛాంపియన్ షిప్ లో ఐదు రౌండ్లు పూర్తయ్యే సరికి చెరొక విజయంతో 2.5-2.5 పాయింట్లతో సమానంగా ఉన్నారు. ఇంకా 9 రౌండ్లు మిగిలి ఉన్నాయి. ముందు 7.5 పాయింట్లు గెలిచిన ఆటగాడు విజేతగా నిలుస్తాడు.