న‌టుడు మోహన్బాబు అస్వ‌స్థ‌తకు గుర‌య్యారు. జల్పల్లిలోని తన నివాసం వద్ద జరిగిన ఘర్షణ అనంతరం సినీనటుడు మోహన్బాబు గచ్చిబౌలిలోని కాంటినెంటల్‌ ఆస్పత్రికి వెళ్లారు. ప్రస్తుతం ఆయనకు వైద్యులు చికిత్స అందిస్తున్నట్లు సమాచారం. మోహన్బాబు వెంట ఆయన పెద్ద కుమారుడు విష్ణు ఉన్నారు.
మంచు మోహన్ బాబు కుటుంబంలో గత కొన్ని రోజుల నుంచి గొడ‌వ‌లు జ‌రుగుతున్నాయి. మోహన్బాబు, మనోజ్ ప‌రస్ప‌ర ఫిర్యాదుల‌తో ఈ గొడ‌వ‌లు అంత‌టా చ‌ర్చ‌కు దారి తీశాయి. మంగ‌ళ‌వారం నుంచి రాత్రి వ‌ర‌కు జల్పల్లిలోని మోహన్బాబు నివాసంలో తీవ్ర ఉద్రిక్తతలు చోటుచేసుకున్నాయి. ఈ నేపథ్యంలో పోలీసులు అప్రమత్తమయ్యారు. మనోజ్, మోహన్ బాబు లైసెన్స్‌ తుపాకులను స్వాధీనం చేసుకున్నారు. ఉన్నతాధికారుల ఆదేశాల మేరకు ఫిల్మ్‌నగర్‌ పోలీసులు వీరిద్దరి నుంచి తుపాకుల్ని స్వాధీనం చేసుకున్నారు. మోహన్బాబు నివాసం వద్ద పోలీసులు భారీగా మోహరించారు. జర్నలిస్టులపై దాడికి దిగడంతో మోహన్‌బాబుకు వ్యతిరేకంగా పలువురు జర్నలిస్టులు ఆందోళన చేస్తున్నారు. మీడియాపై దాడికి నిరసనగా ఆయన ఇంటి వద్ద బైఠాయించి క్షమాపణలు చెప్పాలని డిమాండ్‌ చేశారు. ఈ దాడి నేపథ్యంలో మోహన్ బాబు, మ‌నోజ్‌కు సీపీ నోటీసులు పంపించారు. ఈరోజు ఉదయం వ్య‌క్తిగ‌త విచార‌ణ హాజ‌రు కావాల‌ని కోరారు.