ఆంధ్రప్రదేశ్ కు చెందిన కౌశిక్ కొంతకాలంగా బోన్ క్యాన్సర్ తో బాధపడుతున్నాడు. అతడు ఎన్టీఆర్ వీరాభిమాని కావడంతో చనిపోయేలోపు ‘దేవర (Devara) చూడాలని కోరుకుంటున్నట్లు తెలిపిన విషయం తెలిసిందే. విషయం తెలుసుకున్న ఎన్టీఆర్ అతడికి ఫోన్ చేసి ధైర్యం చెప్పారు. తాజాగా కౌశిక్ హాస్పిటల్ నుంచి డిశ్చార్జ్ అయ్యాడు. ఈ మేరకు అతడి తల్లి మీడియా తో మాట్లాడారు. తన కుమారుడి చికిత్స కి సాయం చేసిన ప్రతి ఒక్కరికీ ధన్యవాదాలు చెప్పారు.
“నిన్న సాయంత్రం ఎన్టీఆర్ టీమ్ నాకు కాల్ చేసింది. మేం వస్తున్నాం.. డిశ్చార్జ్ చేయిస్తామని చెప్పారు. మా అబ్బాయి ఆరోగ్య పరిస్థితిని వైద్యులను అడిగి తెలుసుకున్నారు. రూ. 12 లక్షల బిల్లు కట్టి, డిశ్చార్జ్ చేయించారు. నా కొడుకు ఆరోగ్యం ఇప్పుడు చాలా మెరుగ్గా ఉంది. నిన్న నేను మాట్లాడిన మాటల వల్ల ఎన్టీఆర్ అభిమానులు ఫీలైనట్టున్నారు. మీరు అపార్ధం చేసుకున్నారేమో. మీ అందరి ఆశీస్సుల వల్లే నా కొడుకు బాగున్నాడు. ఎన్టీఆర్ సర్.. నేను మీ గురించి ఎలాంటి తప్పుడు వ్యాఖ్యలు చేయలేదు. వాళ్ళు అడిగిన ప్రశ్నలకు సమాధానం ఇచ్చాను అంతే. మా కుటుంబం అంతా మీ అభిమానులే అని పేర్కొన్నారు.