అన్నపూర్ణ స్టూడియోస్ ఏర్పాటు చేసి 50 సంవత్సరాలయింది. ఈ సందర్భంగా అక్కినేని నాగార్జున ప్రత్యేక వీడియో విడుదల చేశారు. 1975 లో ఈ స్టూడియో నిర్మించారు. 50 ఏళ్ల క్రితం సంక్రాంతి పండుగరోజు ఈ స్టూడియో ప్రారంభించినట్లు తెలిపారు. అప్పటి నుండి ప్రతి సంక్రాంతికి ఇక్కడకు వచ్చి అందరితో పాటు అల్పాహారం చేయడం ఆనవాయితీగా వస్తుందన్నారు. ఇప్పటికీ అదే కొనసాగిస్తున్నట్లు పేర్కొన్నారు. ఏయన్నాఆర్ ఎందరికో స్ఫూర్తి అని అన్నారు. రోడ్లు కూడా లేని రోజుల్లో ఇంతపెద్ద సామ్రాజ్యాన్ని నిర్మించారన్నారు. ఎంతో మంది దర్శకులు, నటులు, సాంకేతిక నిపుణులకు ఎంతోమందికి ఉపాధి కలిగించిందని తెలిపారు.
