తమిళ నటుడు విజయ్ సేతుపతి పాన్ కార్డుకు సంబంధించి కీలక వ్యాఖ్యలు చేశారు. పాన్ కార్డు సమాచారాన్ని తమిళంలో కూడా అందించాలని కేంద్ర ప్రభుత్వాన్ని విజ్ఞప్తి చేశారు. ఈమేరకు ఒక కార్యక్రమంలో ఆయన మాట్లాడుతూ ఆర్ధిక లావాదేవీలలో ఎంతో కీలకమైన పాన్ కార్డుకు సంబంధించి కొన్ని మార్పులు చేయాలని కోరారు. వాటికి సంబంధించిన అప్ డేట్స్ తమిళంలో కూడా అందించాలని కోరారు. పాన్ కార్డు వివరాలు హిందీ, ఇంగ్లీష్ భాషల్లోనే ఉంటున్నాయని ఆ భాషలు రాని వారు పాన్ కార్డు అప్ డేట్స్ విషయంలో ఇబ్బందులు ఎదుర్కొంటున్నారని పేర్కొన్నారు. తమిళ భాషని యాడ్ చేయడం కష్టమైనప్పటికీ ప్రయత్నించాలని విజ్ఞప్తి చేశారు. తమిళనాడు ప్రజలకు పాన్ కార్డు విషయంలో సమస్యలు ఎదురైనప్పుడు వారికి అర్ధమయ్యే భాషలో సమాచారం ఉంటే వారు గందరగోళానికి గురికాకుండా ఉంటారన్నారు. భాషతో సంబంధం లేకుండా పౌరులందరూ అవసరమైన ఆర్థిక సమాచారం ఈజీగా తెలుసుకునేందుకు పాన్ కార్డు సంబంధిత వివరాలను పలు భాషల్లో అందుబాటులో ఉండేలా చూడాలని కోరారు.
