‘కాంతార చాప్టర్ 1’ విడుదల తేదీని ప్రకటించిన చిత్రబృందం

కన్నడ స్టార్ హీరో రిషభ్ శెట్టి ఇండియన్ బిగెస్ట్ బ్లాక్ బస్టర్ ‘కాంతార’ చిత్రానికి ప్రీక్వెల్ ను తెరకెక్కిస్తున్నాడు.ఈ చిత్రాన్ని రిషభ్ స్వీయ దర్శకత్వంలో హోంబలే ఫిలిమ్స్ బ్యానర్ పై నిర్మిస్తున్నారు.ఈ మేరకు చిత్రబృందం విడుదల తేదీని ప్రకటించారు.వచ్చే ఏడాది అక్టోబర్ 2న ‘కాంతార చాప్టర్ 1′ ప్రపంచ వ్యాప్తంగా విడుదల చేయనున్నారు.’కాంతార చాప్టర్ 1′ విడుదల తేదీ ప్రకటించిన పోస్టర్ లో రిషబ్ శెట్టి విభిన్నంగా కనిపించారు.ఒక చేతిలో త్రిశూలం మరో చేతిలో గొడ్డలి పట్టుకొని లెజెండ్గా కనిపించిన పోస్టర్ అదిరిపోయింది.

కాగా హోంబలే ఫిల్మ్స్ హై-క్యాలిబర్, బిగెస్ట్ ప్రాజెక్ట్స్ తో పేరు ప్రఖ్యాతలు సంపాదించుకుంది.హోంబాలే ఫిల్మ్స్ లో వచ్చిన కాంతార వరల్డ్ వైడ్ బిగ్గెస్ట్ హిట్ అయ్యింది.తెలుగులో ఈ చిత్రం ప్రభంజనం సృష్టించింది.రిషభ్ శెట్టి ఈ చిత్రానికి గాను ఉత్తమ నటుడిగా జాతీయ అవార్డ్ అందుకున్నారు.’కాంతార చాప్టర్ 1’ కోసం నటుడు-దర్శకుడు రిషబ్ శెట్టి తన పాత్ర కోసం కేరళ పురాతన యుద్ధ కళలలో ఒకటైన కలరిపయట్టులో కఠినమైన శిక్షణ తీసుకున్నారు.