జానపద కళాకారుడు ‘బలగం’ చిత్రంతో విశేషంగా గుర్తింపు పొందిన మొగిలయ్య కన్నుమూశారు. కొంతకాలం నుండి అనారోగ్యంతో బాధపడుతున్న ఆయన వరంగల్ లోని ఓ ప్రైవేట్ హాస్పిటల్ లో చికిత్స పొందుతూ ఈరోజు తెల్లవారుజామున తుదిశ్వాస విడిచినట్లు ఆయన కుటుంబ సభ్యులు తెలిపారు.
కొన్ని రోజులుగా అనారోగ్యంతో బాధపడుతున్న ఆయన గురించి తెలుసుకొని మొగిలయ్య చికిత్స కోసం మెగాస్టార్ చిరంజీవి, ‘బలగం’ మూవీ దర్శకుడు వేణు చేయూత అందించారు. ఇటీవల ఆయన ఆరోగ్యం మరింత క్షీణించడంతో కుటుంబ సభ్యులు వరంగల్లోని ఒక హాస్పిటల్ కు తరలించారు. అక్కడ చికిత్స పొందుతూ నేడు కన్ను మూశారు.
ఇక గ్రామీణ నేపథ్యంలో తెరకెక్కి ఘన విజయాన్ని అందుకున్న ‘బలగం’ చిత్రంలో క్లైమాక్స్ వచ్చే భావోద్వేగభరితమైన పాటను ఆలపించి మొగిలయ్య ప్రేక్షకుల మన్ననలు పొందారు.
