ఏపీ ప్రభుత్వానికి 4 అంబులెన్స్ లు అందించిన సోనూసూద్:అభినందించిన సీఎం చంద్రబాబు

ప్రముఖ నటుడు, ‘సూద్ చారిటీ ఫౌండేషన్’ వ్యవస్థాపకుడు సోనూ సూద్‌ ఆంధ్రప్రదేశ్ ముఖ్యమంత్రి చంద్రబాబుని నేడు కలిశారు. ఆయన ఏపీ ప్రభుత్వానికి 4 అంబులెన్స్ లను అందించారు. సచివాలయంలో మర్యాదపూర్వకంగా తనను కలవడానికి వచ్చిన సోనూసూద్ ని సీఎం చంద్రబాబు ఈ సందర్భంగా అభినందించారు. ఆరోగ్య సంరక్షణలో మౌలిక సదుపాయాలను కల్పించడానికి తమ ప్రభుత్వం ప్రాధాన్యత ఇస్తుందని… ఈ ఆశయంలో ‘సూద్ చారిటీ ఫౌండేషన్’ భాగస్వామి అయినందుకు కృతజ్ఞతలు అని చంద్రబాబు గారు అన్నారు. సోనూసూద్ తనదైన సేవా కార్యక్రమాలతో దేశవ్యాప్తంగా ఎందరికో తన సాయాన్ని అందించారు. ముఖ్యంగా కరోనా పరిస్థితుల్లో ఆయన చేసిన సేవలు ఎందరికో స్ఫూర్తిగా నిలిచాయి.