తెలంగాణ మంత్రి ఉత్తమ్ కుమార్ రెడ్డితో పాటు, ఆ రాష్ట్రానికి చెందిన పలువురు నేతలు ఆంధ్రప్రదేశ్ జల దోపిడీకి పాల్పడుతోందంటూ చేసిన విమర్శలపై ఏపీ సీఎం చంద్రబాబు స్పందించారు.ఈ మేరకు ఆయన మాట్లాడుతూ…కృష్ణా నదిలో ఆంధ్రప్రదేశ్ ప్రభుత్వం అధిక నీటిని వాడుకుంటుందన్న తెలంగాణ నేతల వాదనలో ఎలాంటి నిజం లేదని స్పష్టం చేశారు. కృష్ణా జలాల్లో ఏపీకి కేటాయించిన వాటా మేరకే నీటిని ఉపయోగిస్తున్నామని ఆయన తెలిపారు.అయితే తెలంగాణ,ఆంధ్రప్రదేశ్ రాష్ట్రాలలో గోదావరి నదిలో మిగులు జలాలు పుష్కలంగా ఉన్నాయని,సముద్రంలో కలిసే నీటిని మాత్రమే అదనంగా వాడుకుంటున్నామని వెల్లడించారు.కృష్ణా జలాల అంశంపై మాత్రం కొంత సమస్య ఉందని,దీనికి సత్వర పరిష్కారం కనుగొనవలసిన అవసరం ఉందని సీఎం అభిప్రాయపడ్డారు.
