ఆంధ్రప్రదేశ్ రాజధాని అమరావతి పునః నిర్మాణ ప్రారంభోత్సవానికి ప్రధాని మోడీ రానున్న సంగతి తెలిసిందే. తాజాగా ఆయన పర్యటనకు సంబంధించిన షెడ్యూల్ ఖరారైంది. మే 2న ఆయన ఏపీ పర్యటనకు రానున్నారు. మీ 2 సాయంత్రం 4 గంటలకు రాజధాని పునః నిర్మాణ పనులను ఆయన ప్రారంభించనున్నారు. ఈ ప్రతిష్టాత్మక కార్యక్రమం కోసం రాష్ట్ర ప్రభుత్వం బహిరంగ సభా వేదిక ప్రదేశాన్ని ఎంపిక చేసింది. సచివాలయం వెనుక ఈ బహిరంగ సభ వేదిక ఉండనుంది. రాష్ట్ర వ్యాప్తంగా ప్రజలు ఈ కార్యక్రమంలో పాల్గొననున్నారు. ప్రధాని పర్యటన ఏర్పాట్ల కోసం ప్రభుత్వం ఒక మంత్రుల కమిటీని కూడా నియమించింది. భద్రతా ఏర్పాట్లు పర్యవేక్షించేందుకు కూడా ఎస్పీజీ టీమ్ ను అందుబాటులో ఉంచుతున్నారు.
