ఇటీవల టీడీపీ నేత ముప్పవరపు వీరయ్య చౌదరి దారుణ హత్యకు గురైన సంగతి తెలిసిందే. కాగా , టీడీపీ అధినేత సీఎం చంద్రబాబు ప్రకాశం జిల్లా అమ్మనబ్రోలు గ్రామం వెళ్లి ఆయన భౌతికకాయానికి ఘననివాళి అర్పించారు. ఆయన కుటుంబ సభ్యులను ఓదార్చి పార్టీపరంగా అండగా ఉంటామని ధైర్యం చెప్పారు. టీడీపీ నాయకుడు ముప్పవరపు వీరయ్య చౌదరి దారుణ హత్యకు గురికావడం నన్ను కలచివేసిందని పార్టీ కోసం అంకితభావంతో పని చేసే ముప్పవరపు వీరయ్య చౌదరి లేని లోటు తీర్చలేనిదని ఆవేదన వ్యక్తం చేశారు. హంతకులను కఠినంగా శిక్షిస్తామని చంద్రబాబు స్పష్టం చేశారు.
