ఈ సంవత్సరం సెప్టెంబర్ లో భారత్ వేదికగా గ్లోబల్ జావెలిన్ ఛాంపియన్ షిప్ జరగనుంది. ఈ ఈవెంట్ లో భారత స్టార్ ఆటగాడు నీరజ్ చోప్రాతో పాటు అగ్రశ్రేణి ఆటగాళ్లు బరిలోకి దిగే అవకాశం ఉన్నట్లు అథ్లెటిక్స్ ఫెడరేషన్ ఆఫ్ ఇండియా తాజాగా ప్రకటించింది. ఇక 2027 రిలేస్, 2028 ప్రపంచ జూనియర్ ఛాంపియన్ షిప్, 2029 ప్రపంచ ఛాంపియన్ షిప్ లకు బిడ్ లు మొదలయ్యాయని ఈ టోర్నీల నిర్వాహణకు భారత్ తన ఆసక్తిని తెలియజేసిందని ఏఎఫ్ఐ అధ్యక్షుడు ఆదిల్ సుపరివాలా తెలిపారు. ఇక ఆయన స్థానంలో కొత్త అధ్యక్షుడిగా మాజీ షాట్ పుట్ ఆటగాడు బహాదూర్ సింగ్ ఎంపికయ్యాడు. 2002 ఆసియా క్రీడల్లో ఆయన స్వర్ణం సాధించాడు. 51 ఏళ్ల బహాదూర్ సింగ్ 2029 వరకు అధ్యక్షుడిగా కొనసాగనున్నాడు. ఇక ఈ ఏడాది ఆగస్టు 10న ప్రారంభంకానున్న ప్రపంచ అథ్లెటిక్స్ కాంటినెంటల్ పోటీలు భారత్ లో జరుగనున్నాయి.
