ఇండోనేషియా మాస్టర్స్ ప్రపంచ టూర్ సూపర్ 500 టోర్నీలో భారత స్టార్ షట్లర్ సింధు పరాజయం పాలైంది. మహిళల సింగిల్స్ లో మొదటి రౌండ్ లోనే ఓటమి చెందింది. వియత్నాంకు చెందిన తిన్ నుయెన్ చేతిలో 20-22, 12-21తో ఓడింది. మరోవైపు మిక్స్డ్ డబుల్స్ విభాగంలో ధ్రువ్-తనీషా జోడీ 21-18, 21-14తో ఇండోనేషియా కు చెందిన అద్నాన్ మౌలానా-ఇందాకాహ్యా పై విజయం సాధించింది. పురుషుల సింగిల్స్ లో లక్ష్యసేన్ 21-9, 21-14తో జపాన్ ఆటగాడు తకుమా ఒబాయిషీ పై గెలిచి ప్రి క్వార్టర్స్ చేరాడు.
