మహిళల అండర్ 19 టీ20 ప్రపంచ కప్ లో భారత్ మరో అతి భారీ విజయాన్ని నమోదు చేసుకుంది. తాజాగా స్కాట్లాండ్ తో జరిగిన మ్యాచ్ లో భారత్ 150 పరుగుల తేడాతో విజయం సాధించింది. ఈ మ్యాచ్ లో మొదట బ్యాటింగ్ చేసిన భారత్ నిర్ణీత 20 ఓవర్లలో ఒక వికెట్ కోల్పోయి 208 పరుగులు చేసింది. గొంగడి త్రిష 110 నాటౌట్ (59; 13×4, 4×6) సెంచరీతో అదరగొట్టింది. కమలినీ 51 (42; 9×4) హాఫ్ సెంచరీతో రాణించింది. సానికా 29 (20; 5×4) పరుగులు చేసింది. ఇక లక్ష్య ఛేదనలో స్కాట్లాండ్ 14 ఓవర్లలో 58 పరుగులకే కుప్పకూలింది. ఏ బ్యాటర్ కూడా చెప్పుకోదగ్గ స్థాయిలో రాణించలేదు. భారత బౌలర్లలో ఆయుషీ శుక్లా 4 వికెట్లు, వైష్ణవి శర్మ 3 వికెట్లు, గొంగడి త్రిష 3 వికెట్లు పడగొట్టి అద్భుతమైన ప్రదర్శన కనబరిచారు. బ్యాటింగ్, బౌలింగ్ రెండు విభాగాల్లోనూ త్రిష సత్తా చాటింది.
