భారత్ ఇంగ్లాండ్ జట్ల మధ్య 5 టీ20ల సిరీస్ లో భాగంగా నేడు రాజ్ కోట్ వేదికగా జరిగిన మూడో టీ20లో ఇంగ్లాండ్ 26 పరుగుల తేడాతో విజయం సాధించి సిరీస్ లో గెలుపు ఖాతా తెరిచింది. భారత్ టాస్ గెలిచి బౌలింగ్ ఎంచుకుంది. దీంతో మొదట బ్యాటింగ్ చేసిన ఇంగ్లాండ్ నిర్ణీత 20 ఓవర్లలో 9 వికెట్లు కోల్పోయి 171 పరుగులు చేసింది. డకెట్ 51 (28; 7×4, 2×6) హాఫ్ సెంచరీతో రాణించాడు. లివింగ్ స్టోన్ 43 (24; 1×4, 5×6), బట్లర్ 24 (22; 1×4, 1×6) పరుగులు చేశారు. భారత బౌలర్లలో వరుణ్ చక్రవర్తి 5 వికెట్లతో ఆకట్టుకున్నాడు. హార్థిక్ పాండ్య 2 వికెట్లు, రవి బిష్ణోయ్, అక్షర్ పటేల్ ఒక్కో వికెట్ తీశారు. ఇక లక్ష్య ఛేదనలో భారత్ 20 ఓవర్లలో 9 వికెట్లు కోల్పోయి 145 పరుగులు మాత్రమే చేయగలిగింది. హార్థిక్ పాండ్య 40 (35; 1×4, 2×6) పోరాడాడు. అభిషేక్ శర్మ (24) ఉన్నంత వరకు ధాటిగా ఆడాడు. మిగిలిన బ్యాటర్లు పెద్దగా పరుగులు చేయలేకపోయారు. ఇంగ్లాండ్ బౌలర్లలో ఓవర్టన్ 3 వికెట్లు, జోఫ్రా ఆర్చర్ 2 వికెట్లు, కార్సే 2 వికెట్లు, అదిల్ రషీద్, మార్క్ వుడ్ ఒక్కో వికెట్ చొప్పున పడగొట్టారు.
