ప్రతిష్టాత్మక ఐసీసీ ఛాంపియన్స్ ట్రోఫీ ఫిబ్రవరి 19 నుండి భారత్ ఆడనున్న మ్యాచ్ లు మినహా పాకిస్థాన్ వేదికగా జరుగనున్న సంగతి తెలిసిందే. ఈ నేపథ్యంలో ఇంకా పాక్ లోని లాహోర్, కరాచీ లోని స్టేడియాలు సిద్దం కాలేదనే వార్తలు వస్తున్నాయి. గతేడాది ఐసీసీ ఇచ్చిన రూ.380 కోట్ల నిధులతో ఈ స్టేడియాల పునర్నిర్మాణ పనులను ప్రారంభించారు. అయితే ఇప్పటికీ పనులు పూర్తయ్యాయా లేదా అనే దానిపై ఉత్కంఠ నెలకొంది. ఈ రెండు స్టేడియాలను పరీక్షించేందుకు ఫిబ్రవరి 8-14 తేదీలు మధ్య పాకిస్థాన్, న్యూజిలాండ్, సౌతాఫ్రికాల మధ్య ట్రై ఏంగిల్ సిరీస్ ను నిర్వహించేందుకు పాకిస్థాన్ క్రికెట్ బోర్డు నిర్ణయించింది.
