ఆస్ట్రేలియా క్రికెట‌ర్ స్టీవ్ స్మిత్ గాలే వేదికగా శ్రీలంక‌తో జ‌రుగుతున్న టెస్టులో సెంచ‌రీతో ఆకట్టుకున్నాడు. ఇది స్మిత్‌కు 35వ టెస్ట్ శ‌త‌కం. అలాగే ఇది అత‌నికి విదేశాలలో చేసిన 17వ సెంచ‌రీ కావడంతో ఇప్ప‌టివ‌ర‌కు విదేశాల్లో అత్యధిక సెంచరీలు చేసిన బ్యాటర్ల జాబితాలో స్మిత్ ముందంజలో నిలిచాడు. దీంతో టెస్ట్ క్రికెట్‌లో అరుదైన ఘనత అందుకున్నాడు. ఇంతకుముందు భారత స్టార్ ఆటగాడు విరాట్ కోహ్లీ 16 సెంచ‌రీల‌తో అగ్ర‌స్థానంలో ఉండగా..తాజాగా స్మిత్ 17వ శ‌త‌కంతో కోహ్లీని దాటేశాడు. ఇక ఇదే టెస్టులో స్మిత్ మ‌రో అరుదైన మైలురాయిని కూడా చేరుకున్నాడు. టెస్టుల్లో 10వేల ప‌రుగుల మార్క్‌ను చేరాడు. దీంతో ఈ ఫీట్ అందుకున్న ప్ర‌పంచ దిగ్గ‌జ బ్యాటర్ల స‌ర‌స‌న చేరాడు.
