స్వదేశంలో పాక్ అత్యంత ప్రమాదకర జట్టు… సెమీస్ చేరే అవకాశాలున్నాయి:రవిశాస్త్రి

ఈనెల 19 నుండి పాకిస్థాన్ లో ప్రతిష్టాత్మక ఐసీసీ టోర్నీ ఛాంపియన్స్ ట్రోఫీ జరగనున్న సంగతి తెలిసిందే. కాగా, పాకిస్థాన్ తన స్వదేశంలో ప్రమాదకరమైన జట్టు అని మాజీ క్రికెటర్ రవి శాస్త్రి అభిప్రాయపడ్డారు. మంచి పేస్ బౌలింగ్ కలిగిన పాకిస్థాన్ సెమీ ఫైనల్ చేరుకుంటుందన్నారు. డిఫెండింగ్ ఛాంపియన్ పాకిస్థాన్ వరుసగా సౌతాఫ్రికా, జింబాబ్వే, ఆస్ట్రేలియాల పై వన్డే సిరీస్ గెలిచిన ఊపులో బరిలోకి దిగుతోంది. గడిచిన 6-8 నెలలుగా పాక్ వన్డేల్లో అద్భుతంగా రాణిస్తుంది. జట్టు ఆటతీరు బాగుంది. అనుకూల పరిస్థితుల మధ్య పాక్ సెమీస్ చేరుతుందని భావిస్తున్నా. నాకౌట్ కి అర్హత సాధిస్తే పాక్ మరింత ప్రమాదకర జట్టు అవుతుందని అభిప్రాయపడ్డారు.