ఛాంపియన్ ట్రోఫీ 2025 లో భాగంగా నేడు భారత్ -పాకిస్థాన్ మధ్య నేడు జరిగిన మ్యాచ్ లో భారత్ వికెట్ల తేడాతో గెలిచి మరో చిరస్మరణీయ విజయాన్ని సొంతం చేసుకుంది. మ్యాచ్ లో టాస్ గెలిచిన పాకిస్థాన్ ముందుగా బ్యాటింగ్ ఎంచుకుని 49.4 ఓవర్లలో 241 పరుగులకు ఆలౌటయింది. సాద్ షకీల్ 62 (76;5×4) హాఫ్ సెంచరీతో రాణించాడు. రిజ్వాన్ 46 (77; 3×4), కుష్ దిల్ 38 (39; 2×6) బాబర్ అజామ్ (23) పర్వాలేదనిపించారు. మిగిలిన బ్యాటర్లు పెద్దగా పరుగులు చేయలేకపోయారు. భారత బౌలర్లలో కుల్దీప్ యాదవ్ 3 వికెట్లు, హార్థిక్ పాండ్య 2 వికెట్లు, రవీంద్ర జడేజా, హార్షిత్ రాణా, అక్షర్ పటేల్ ఒక్కో వికెట్ చొప్పున పడగొట్టారు.
ఇక లక్ష్యాన్ని భారత్ 42.3 ఓవర్లలోనే ఛేదించింది. రోహిత్ శర్మ 20 (15; 3×4, 1×6) అవుటైనా శుభ్ మాన్ గిల్ 46 (52; 7×4), శ్రేయాస్ అయ్యర్ 56 (67; 5×4, 1×6) లతో కలిసి విరాట్ కోహ్లీ 100 (111; 7×4) సెంచరీ సాధించడమే కాకుండా కీలక భాగస్వామ్యాలు నెలకొల్పుతూ ఇన్నింగ్స్ ను నిర్మించాడు. ఈక్రమంలో 14 వేల పరుగుల మైలురాయిని అధిగమించి వేగంగా ఈ ఘనత సాధించిన క్రికెటర్ గా నిలిచాడు. తన ట్రేడ్ మార్క్ షాట్లతో అభిమానులను అలరించాడు. మరో అద్భుతమైన ఇన్నింగ్స్ తో జుట్టును విజయ తీరాలకు చేర్చాడు.
