భారత ఫుట్ బాల్ దిగ్గజం సునీల్ ఛెత్రి మళ్లీ గ్రౌండ్ లో కనిపించనున్నాడు. ” సునీల్ ఛెత్రి తిరిగి వచ్చాడు” భారత కెప్టెన్ మార్చి లో ఫిఫా మ్యాచ్ లు ఆడేందుకు సిద్దమవుతున్నాడని ఆల్ ఇండియా ఫుట్ బాల్ ఫెడరేషన్ ‘ఎక్స్’ లో పేర్కొంది. గతేడాది జూన్ లో ఈ దిగ్గజ ఆటగాడు రిటైర్మెంట్ ప్రకటించిన విషయం తెలిసిందే. ఇంటర్నేషనల్ గేమ్ కు గుడ్ బై చెప్పిన ఈ 40 ఏళ్ల ఆటగాడు ఇండియన్ సూపర్ లీగ్ లో ఆడుతున్నాడు. ఈ సీజన్ లో 12 గోల్స్ తో సత్తా చాటాడు. అత్యుత్తమ ఫామ్ లో ఉన్న సునీల్ ఆల్ ఇండియా ఫుట్ బాల్ ఫెడరేషన్ విజ్ఞప్తి మేరకు రిటైర్మెంట్ వెనక్కి తీసుకున్నాడు.
