ఇంటర్నేషనల్ మాస్టర్స్ లీగ్ సెమీస్ లో ఆసీస్ ను చిత్తు చేసి ఫైనల్ చేరిన సచిన్ సేన

ఇంటర్నేషనల్ మాస్టర్స్ లీగ్ లో సచిన్ సేన ఇండియా మాస్టర్స్ ఫైనల్ కు దూసుకెళ్లింది. తాజాగా జరిగిన సెమీ ఫైనల్ లో ఆస్ట్రేలియా మీపై 94 పరుగుల భారీ విజయం సాధించి సత్తా చాటింది. యువరాజ్ సింగ్ 59 (30; 1×4, 7×6),సచిన్ టెండూల్కర్ 42 (30; 7×4), స్టువర్ట్ బిన్నీ 36 (21; 5×4, 1×6) అదరగొట్టారు. దీంతో 20 ఓవర్లలో 7 వికెట్ల నష్టానికి 220 పరుగుల భారీ స్కోరు చేసింది. ఆస్ట్రేలియా బౌలర్లలో డోహార్టీ, డానియల్ క్రిస్టియన్ లు 2 వికెట్లు చొప్పున పడగొట్టారు. లక్ష్య ఛేదనలో ఆస్ట్రేలియా 18.1ఓవర్లలో 126 పరుగులకే కుప్పకూలింది. బెన్ కటింగ్ (39) ఒక్కడే చెప్పుకోదగిన ప్రదర్శన కనబరిచాడు. భారత బౌలర్లలో షాబాజ్ నదీమ్ 4 వికెట్లు, వినయ్ కుమార్ 2 వికెట్లు, ఇర్ఫాన్ పఠాన్ 2 వికెట్లు పడగొట్టారు.