ప్రతి వేసవి సీజన్ లోనూ భారత క్రికెట్ ప్రేమికులను ఉర్రూతలూగించే ఇండియన్ ప్రీమియర్ లీగ్ రేపు ప్రారంభం కానుంది. మార్చి 22 నుండి మే 25 వరకు ఐపీఎల్ 2025 సీజన్ అలరించనుంది. మొత్తం 74 మ్యాచులు 65 రోజులపాటు జరగనున్నాయి. తొలి మ్యాచ్ మార్చి 22న డిఫెండింగ్ ఛాంపియన్ కోల్ కతా నైటైడర్స్ రాయల్ ఛాలెంజర్స్ బెంగళూరు జట్ల మధ్య ఈడెన్ గార్డెన్స్ వేదికగా ప్రారంభం కానుంది. ఈ సీజన్ లో కూడా విశేషంగా ఆకట్టుకునేలా ప్రదర్శన ఇచ్చి సత్తా చాటాలని ఆయా ఫ్రాంచైజీలు, టీమ్ లు ఉవ్విళ్లూరుతున్నాయి. టీమ్ లకు మారిన ఆటగాళ్లు, కొత్తగా పగ్గాలు చేపట్టిన కెప్టెన్లతో మరింత కొత్తగా ఈ ఐపీఎల్ సీజన్ అభిమానులకు వినోదాన్ని అందించేందుకు రెడీ అయింది.
