సన్ రైజర్స్ హైదరాబాద్ లక్నో సూపర్ జెయింట్స్ జట్ల మధ్య హైదరాబాద్ వేదికగా నేడు జరిగిన మ్యాచ్ లో లక్నో 5 వికెట్ల తేడాతో ఘన విజయం సాధించింది. టాస్ గెలిచిన లక్నో సూపర్ జెయింట్స్ మొదట బౌలింగ్ ఎంచుకుంది. దీంతో మొదట బ్యాటింగ్ చేసిన సన్ రైజర్స్ హైదరాబాద్ నిర్ణీత 20 ఓవర్లలో 9 వికెట్ల నష్టానికి 190 పరుగులు చేసింది. ట్రావిస్ హెడ్ 47 (28; 5×4, 3×6), అనికేత్ వర్మ 36 (13; 5×6), నితీష్ రెడ్డి 32 (28; 2×4), క్లాసిన్ 26 (17; 2×4, 1×6) పరుగులు చేశారు. ఒక దశలో భారీ స్కోరు చేస్తుందనుకున్న సన్ రైజర్స్ వరుసగా వికెట్లు కోల్పోయి ఆ మాత్రం స్కోరుకే పరిమితమైంది. లక్ష్య ఛేదనలో లక్నో బ్యాటర్లు ధాటిగా ఆడారు. నికోలస్ పూరన్ 70 (26; 6×4, 6×6) మెరుపు ఇన్నింగ్స్ తో ఆకట్టుకున్నాడు. మిచెల్ మార్ష్ 52 (31; 7×4, 2×6) రాణించాడు. అబ్దుల్ సమద్ 22 నాటౌట్ గా నిలిచాడు. మరో 3.5 ఓవర్లు మిగిలి ఉండగానే లక్నో విజయం సాధించింది.
