రాజస్థాన్ రాయల్స్:182-9(20).
చెన్నై సూపర్ కింగ్స్ 176-6 (20).
మ్యాచ్ లో టాస్ గెలిచిన చెన్నై ముందుగా బౌలింగ్ ఎంచుకుంది. దీంతో మొదట బ్యాటింగ్ చేసిన రాజస్థాన్ రాయల్స్ నిర్ణీత 20 ఓవర్లలో 9 వికెట్ల నష్టానికి 182 పరుగులు చేసింది. నితీష్ రాణా 81 (36; 10×4, 5×6) విధ్వంసకర బ్యాటింగ్ తో చెలరేగాడు. రియాన్ పరాగ్ 37 (28; 2×4, 2×6), సంజూ శాంసన్ 20 (16; 1×4, 1×6) పరుగులు చేశారు. చెన్నై బౌలర్లలో పతిరనా 2 వికెట్లు, ఖలీల్ అహ్మద్ 2 వికెట్లు, నూర్ అహ్మద్ 2 వికెట్లు, జడేజా 1 వికెట్ తీశారు. అనంతరం లక్ష్య ఛేదనలో చెన్నై 20 ఓవర్లలో 6 వికెట్ల నష్టానికి 176 పరుగులు మాత్రమే చేయగలిగింది. రుతు రాజ్ గైక్వాడ్ 63 (44; 7×4, 1×6) హాఫ్ సెంచరీతో రాణించాడు. రవీంద్ర జడేజా 32 నాటౌట్ (22; 2×4, 1×6) చివరిదాకా పోరాడాడు. రాహుల్ త్రిపాఠి (23), శివమ్ దూబే (18), ధోనీ (16) పరుగులు చేశారు. రాజస్థాన్ బౌలర్లలో హాసరంగా 4 వికెట్లు, సందీప్ శర్మ, ఆర్చర్ ఒక్కో వికెట్ చొప్పున పడగొట్టారు.
