ప్రొ కబడ్డీ లీగ్ 11వ సీజన్ లో హర్యానా స్టీలర్స్ జట్టు ఎనిమిదో విజయాన్ని ఖాతాలో వేసుకుని అప్రతిహతంగా కొనసాగుతోంది. తాజాగా జరిగిన మ్యాచ్ లో 36-29 తేడాతో తమిళ్ తలైవాస్ పై విజయం సాధించింది. వినయ్ (10), మహమ్మద్రెజా (8) హార్యానా జట్టు విజయంలో కీలక పాత్ర పోషించారు. తలైవాస్ తరపున మొయిన్ (7) రాణించాడు. మ్యాచ్ లో మొదట తడబడినా హార్యానా ఆ తర్వాత గొప్పగా పుంజుకుంది. 14-17తో తొలి అర్ధభాగాన్ని ముగించిన ఆ జట్టు విరామం తర్వాత పాయింట్లతో అదరగొట్టింది. ద్వితీయార్ధంలో దూకుడు ప్రదర్శించి విజేతగా నిలిచింది. ఇక మరో మ్యాచ్లో జైపూర్ పింక్పాంథర్స్ 30-28 తో పుణెరి పల్టాన్ పై విజయం సాధించింది.
Pic source: Haryana steelers twitter
