సెమీస్ చేరిన భారత షట్లర్లు..!

సయ్యద్ మోదీ ఇంటర్నేషనల్ సూపర్ 300 టోర్నీలో భారత టాప్ షట్లర్లు పి‌వి.సింధు, లక్ష్యసేన్ క్వార్టర్స్ లో గెలుపొంది సెమీ ఫైనల్ చేరుకున్నారు. టాప్ సీడ్ సింధు మహిళల సింగిల్స్ క్వార్టర్స్ లో చైనాకు చెందిన డాయ్ వాంగ్ పై 21-15, 21-17తో నెగ్గింది. పురుషుల సింగిల్స్ లో లక్ష్యసేన్ 21-8, 21-19తో గెలిచాడు.
ప్రియాన్షు రజావత్ 21-13, 21-8తో వియత్నాంకు చెందిన డాంగ్ నుయెన్ పై గెలిచి సెమీస్ చేరాడు. ఉన్నతి హుడా అమెరికాకు చెందిన ఇషిక పై 21-16, 21-9 తో గెలిచి సెమీస్ చేరింది. మహిళల డబుల్స్ లో గాయత్రి-ట్రీసా ద్వయం, పురుషుల డబుల్స్ లో పృథ్వి-సాయి ప్రతీక్ కూడా గెలిచి సెమీస్ చేరారు.