ప్రపంచ చెస్ ఛాంపియన్ షిప్ లో డ్రా ల పర్వం కొనసాగుతోంది. భారత యువ కెరటం గుకేశ్, డిఫెండింగ్ చాంపియన్ డింగ్ లిరెన్ తాజాగా జరిగిన గేమ్ లో కూడా డ్రా చేసుకున్నారు. ఈ పోరులో ఇది 5వ డ్రా. ప్రస్తుతం ఆటగాళ్లిద్దరూ చెరో 3.5 పాయింట్లతో కొనసాగుతున్నారు. 72 ఎత్తుల వద్ద గేమ్ డ్రా గా ముగిసింది. ఇరువురి మధ్య హోరా హోరీగా సాగిన గేమ్ లో లిరెన్ మంచి డిఫెన్స్ కనబరిచాడు. ఆద్యంతం గుకేశ్ గెలుపు వైపుగా సాగాడు. అయినా లిరెన్ కాస్త పుంజుకోవడంతో గేమ్ డ్రా గా ముగిసింది.
