ఒళ్లు నొప్పులు,జ్వరం వంటి వాటికి భారతీయులు విరివిగా తీసుకునే మందుబిల్ల ‘పారాసిటమాల్’.ఇకపై దీనిని దేశీయంగా తయారు చేయబోతున్నట్టు కేంద్రం వెల్లడించింది.శాస్త్రీయ,పారిశ్రామిక పరిశోధన మండలి (సీఎస్‌ఐఆర్‌) ద్వారా దేశీయంగా అభివృద్ధి చేసిన ‘పారాసిటమాల్’ను తీసుకురాబోతున్నట్టు అధికారికంగా ప్రకటించింది.పారాసిటమాల్ తయారీకి సంబంధించిన ముడి పదార్థాల దిగుమతులపై భారత్ ఆధారపడటాన్ని తగ్గిస్తున్నట్టు కేంద్రం తెలిపింది.పారాసిటమాల్ తయారీకి సంబంధించి దేశీయ టెక్నాలజీని సీఎస్‌ఐఆర్‌ అభివృద్ధి చేసిందని నిన్న సాయంత్రం కేంద్ర మంత్రి జితేంద్ర వెల్లడించారు.
