రామ్ చరణ్ హీరోగా శంకర్ దర్శకత్వంలో తెరకెక్కిన చిత్రం ‘గేమ్ ఛేంజర్’. శుక్రవారం ఈ సినిమా ప్రేక్షకుల ముందుకు వచ్చింది.అయితే ఈ సినిమా విషయంలో టీమ్ ఒక చిన్న నిర్ణయం తీసుకున్నట్లు తెలుస్తోంది.ఇందులో ట్రెండ్ సృష్టించిన ‘నానా హైరానా’ పాటను కొన్ని సాంకేతిక కారణాల వల్ల ప్రస్తుతం ప్రదర్శించలేకపోతున్నట్లు టీమ్ వెల్లడించింది.జనవరి 14 నుంచి దీనిని అందుబాటులోకి తీసుకు వస్తామని చెప్పింది.ప్రముఖ గాయని శ్రేయాఘోషల్ దీనిని ఆలపించారు.
తొలిసారి ఇన్ఫ్రారెడ్ కెమెరాతో తీసిన తొలి ఇండియన్ సాంగ్ గా ‘నానా హైరానా’ రికార్డు సృష్టించింది.న్యూజిలాండ్ లోని అందమైన లొకేషన్స్ లో ఈ పాటను షూట్ చేశారు.సంగీత దర్శకుడు తమన్ వైవిధ్యభరితంగా ఉండేలా ఈ మెలోడీ సాంగ్ ను స్వర పరచగా, మనీశ్ మల్హోత్ర ఈ పాటకు కాస్ట్యూమ్స్ డిజైన్ చేశారు.6 రోజుల పాటు ఈ పాటను షూట్ చేశారు.