జీఎస్టీ పై కేంద్ర ప్రభుత్వం మీద కాంగ్రెస్ సీనియర్ నేత మల్లిఖార్జున్ ఖర్గే విమర్శలు

ఏఐసీసీ అధ్యక్షుడు, కాంగ్రెస్ పార్టీ సీనియర్ నేత మల్లిఖార్జున్ ఖర్గే జీఎస్టీ పై విమర్శలు చేశారు. ప్రధాని మోడీ నేతృత్వంలోని ప్రభుత్వం తీసుకొచ్చిన గూడ్స్ అండ్ సర్వీస్ టాక్స్ (జీఎస్టీ) అంటే పేద, మధ్యతరగతి వర్గాల ప్రజలు కష్టపడి సంపాదించుకున్న సొమ్మును దోచేయడం అని ఆరోపించారు. రానున్న బడ్జెట్లో దీనికి అంతం పలకాలని డిమాండ్ చేశారు. ఈమేరకు ఆయన ‘ఎక్స్’ లో పోస్ట్ చేశారు. జీఎస్టీ లో పేర్కొన్న 9 రకాల ట్యాక్స్ లు తేలికచేయడానికి బదులు అసంబద్ధంగా సంక్లిష్టంగా మారుస్తున్నాయని ఆరోపించారు. GST అనేది ప్రజల వినియోగంపై పన్ను, కానీ మోడీ ప్రభుత్వం రికార్డ్ జీఎస్టీ కలెక్షన్స్ ద్వారా వారి గాయాలపై ఉప్పు చల్లే పని చేస్తుందని దుయ్యబట్టారు.మొత్తం GSTలో 2/3వ వంతు అంటే 64% పేద మరియు మధ్యతరగతి ప్రజల జేబుల నుండి వస్తుంది, అయితే కేవలం 3% GST బిలియనీర్ల నుండి వసూలు చేయబడుతుంది, అయితే కార్పొరేట్ పన్ను రేటు 30% నుండి 22%కి తగ్గించబడిందని పేర్కొన్నారు. రైతుల 36 వ్యవసాయ వస్తువులపై తొలిసారిగా జీఎస్టీ విధించారు. జీవిత బీమా మరియు ఆరోగ్య బీమా ప్రీమియంపై కూడా 18% GST చెల్లించాలని ఆక్షేపించారు. గత 5 సంవత్సరాలలో, ఆదాయపు పన్ను సేకరణ 240% పెరిగింది మరియు జీఎస్టీ సేకరణ 177% పెరిగిందని పేర్కొన్నారు.