డొనాల్డ్‌ ట్రంప్‌ ఈ నెల 20న అమెరికా నూతన అధ్యక్షుడిగా ప్రమాణస్వీకారం చేయనున్నారు.ఈ ప్రమాణస్వీకార కార్యక్రమానికి భారత్ తరఫున విదేశాంగ మంత్రి ఎస్‌ జైశంకర్‌ హాజరుకానున్నారు. ట్రంప్‌ ప్రమాణస్వీకార నిర్వహణ కమిటీ ఆహ్వానం మేరకు భారత్ ఈ నిర్ణయం తీసుకుంది.దాంతో ప్రమాణస్వీకారానికి ఒకరోజు ముందే జైశంకర్‌ అమెరికాకు వెళ్లనున్నారు.ఈ విషయాన్ని భారత విదేశాంగ శాఖ ప్రెస్‌ కాన్ఫరెన్స్‌ ద్వారా వెల్లడించింది. జైశంకర్‌ కేవలం ట్రంప్‌ ప్రమాణస్వీకార కార్యక్రమంలో పాల్గొనడానికి మాత్రమే అమెరికాకు వెళ్లడంలేదని,ఈ సందర్భంగా అమెరికా నూతన పాలకవర్గంతో ఆయన చర్చలు జరుపుతారని అన్నారు.అదేవిధంగా ట్రంప్‌ ప్రమాణస్వీకారానికి హాజరయ్యే ఇతర దేశాల అధినేతలతో కూడా జైశంకర్‌ చర్చించే అవకాశం ఉందని చెప్పారు.
