కొత్తగా ఏర్పాటైన వరల్డ్ క్రికెట్ కనెక్ట్స్ (డబ్ల్యూసీసీ) అడ్వైజరీ బోర్డు లో ఐసీసీ ఛైర్మన్ జై షాకు స్థానం కల్పించారు. క్రికెట్లో అవకాశాలు, సవాళ్లపై చర్చించేందుకు మెరిల్బోన్ క్రికెట్ క్లబ్ (ఎంసీసీ) ఈ ఇండిపెండెంట్ బోర్డును ఏర్పాటు చేసింది. ఈ ఏడాది జూన్ 7, 8 తేదీల్లో లార్డ్స్ డబ్ల్యూసీసీ సమావేశం జరగనుంది. ప్రస్తుత కెప్టెన్లు, మాజీ క్రికెటర్లు, పలు సంస్థల ప్రతినిధులు సహా పలువురికి అడ్వైజరీ బోర్డులో స్థానం కల్పించారు. భారత్ నుండి మాజీ కెప్టెన్ సౌరభ్ గంగూలీ, ఐసీసీ సీసీఓ అనురాగ్ దహియా, జియో స్టార్ సీఈఓ సంజోగ్ గుప్తాలకు స్థానం కల్పించారు.
