మహిళల అండర్-19 టీ20 ప్రపంచ కప్ లో భారత్ దూసుకుపోతోంది. తాజాగా జరిగిన సూపర్ సిక్స్ లో కూడా గెలిచింది. బంగ్లాదేశ్ పై 8 వికెట్ల తేడాతో ఘన విజయం సాధించింది. ముందుగా బ్యాటింగ్ చేసిన బంగ్లాదేశ్ 8 వికెట్లు కోల్పోయి 64 పరుగులు చేసింది. సుమేయ అక్తర్ 21 (29;1×4) టాప్ స్కోరర్. భారత బౌలర్లలో వైష్ణవి శర్మ 3 వికెట్లతో సత్తా చాటింది. షబ్నమ్, గొంగడి త్రిష, జోషితా ఒక్కో వికెట్ చొప్పున పడగొట్టారు. స్వల్ప లక్ష్యాన్ని భారత్ 7.1 ఓవర్లలోనే 2 వికెట్లు కోల్పోయి ఛేదించింది. గొంగడి త్రిష 40 (31; 8×4) రాణించింది. ఈ మ్యాచ్ విజయంతో భారత్ సెమీస్ చేరింది.
