స్వర్ణాంధ్ర విజన్ 2047 లో బ్యాంకులూ భాగస్వాములు కావాలని ఏపీ సీఎం చంద్రబాబు బ్యాంకర్ లను కోరారు. స్టేట్ లెవల్ బ్యాంకర్స్ కమిటీ తో ఆయన సమావేశం అయ్యారు. ఈ కార్యక్రమంలో మంత్రులు, అధికారులు, ఉన్నతాధికారులు పాల్గొన్నారు.స్వర్ణాంధ్ర విజన్-2047’లో బ్యాంకులూ భాగస్వాములేనని ఈ సందర్భంగా చంద్రబాబు పేర్కొన్నారు. ఈ సమావేశంలో మాట్లాడుతూ హార్టీకల్చర్, ప్రకృతి సేద్యాన్ని ప్రోత్సహిద్దామని పిలుపునిచ్చారు. రైతు ఆత్మహత్య అన్న మాటే వినిపించకూడదని స్పష్టం చేశారు. ప్రభుత్వ సంకల్పానికి బ్యాంకులు బలాన్నివ్వాలని కోరారు. ఎంఎస్ఎఈల రుణ ప్రక్రియను ముందుకు తీసుకెళ్లామని వివరించారు. గత ప్రభుత్వ అక్రమాలపై విచారణలకూ సహకరించాలని కోరారు.
‘ప్రధానమంత్రి సూర్యఘర్’ను విజయవంతం చేద్దామని తెలిపారు. ఏడాదిలో 20 లక్షల ఇళ్లకు సోలార్ విద్యుత్ లక్ష్యమని పేర్కొన్నారు.
