‘మహాకుంభమేళా’ లో భారీ రద్దీ నేపథ్యంలో నో వెహికల్ జోన్ గా ప్రయాగ్ రాజ్

ప్రపంచంలోనే అతిపెద్ద ఆధ్యాత్మిక వేడుకైన ‘మహా కుంభమేళా’ కు భారీగా భక్తులు తరలివస్తున్నారు. మాఘ పౌర్ణమి సహా పలు ప్రత్యేక దినాలు ఉండడంతో మరింత భక్తజనం రానున్న నేపథ్యంలో అధికారులు కొత్త ఆంక్షలు తీసుకొచ్చారు. అందులోనూ ఇటీవల వందల కిలోమీటర్ల మేర ట్రాఫిక్ జామ్ తో ఇబ్బందులు ఎదుర్కొన్న సందర్భంగా తాజాగా కుంభమేళా ప్రాంతంలో నో వెహికల్ జోన్ గా మార్చారు. నేటి సాయంత్రం 5 గంటల నుండి ప్రయాగ్ రాజ్ మొత్తాన్ని నో వెహికల్ జోన్ గా మార్చనున్నారు. ఇటీవల ట్రాఫిక్ జామ్ తో లక్షలాది భక్తులు 24 గంటలకు పైగా వాహనాల్లోనే ఉండాల్సి వచ్చింది. దాదాపుగా 350 కిలోమీటర్ల మేర వాహనాలు ఆగిపోయాయి. ఈ ఘటన ప్రపంచంలోనే అత్యంత పొడవైన ట్రాఫిక్ జామ్ గా చరిత్ర సృష్టించింది. ఇక ట్రాఫిక్ ఏర్పాట్ల గురించి తాజాగా గత రాత్రి యూపీ సీఎం యోగి ఆదిత్యనాథ్ తో పోలీసులు, అధికారులు సమావేశమయ్యారు. రహదారులపై వాహనాలు భారీగా చేరుకోకుండా చూడాలని రద్దీ లేకుండా చూసుకోవాలని పార్కింగ్ ప్రాంతాలను సమర్థవంతంగా ఉపయోగించుకోవాలని సీఎం ఆదేశించారు.